 |
| မနန်းခင်ဇေယျာ |
အောက်တိုဘာလ ၂၁ ရက်နေ ့ အထိ ကျင်းပ နေသည့် မယ် နိုင်ငံ တကာ (Miss International)
ကို မြန်မာနိုင်ငံ ကိုယ်စား ပြုကာ ရှမ်းပြည်နယ် တောင်ကြီး မြို ့မှ မနန်းခင်ဇေယျာ ၀င်ရောက်
ယှဉ် ပြိုင် နေပြီ ဖြစ်ပါသည်။
မနန်းခင်ဇေယျာ ၏ ကိုယ်ရေးအကျဉ်း
- အမည် - မနန်းခင်ဇေယျာ
- အသက် - ၂၃ နှစ်
- ပညာအရည်အချင်း - LL.B ဥပဒေဘွဲ့
- လူမျိုး - ရှမ်းပအိုဝ့်
- အလုပ်အကိုင် - ဂျာမန်- အင်္ဂလိပ် ဧည့်လမ်းညွှန်
ပြိုင်ပွဲဝင်ဖို့ ကြိုတင် ပြင်ဆင်မှု
ပြိုင်ပွဲဝင်ဖို့ စက်တင်ဘာ ၂ ရက်နေ့က ကမ်းလှမ်းခံရ ပါတယ်။ စက်တင်ဘာ ၁၃ ရက်မှ ၁၅ ရက်အထိ ဗီယက်နမ် နိုင်ငံ ဟိုချီမင်း မြို့မှာ ကျင်းပတဲ့ (၈) ကြိမ်မြောက် International Travel Expo ခရီးသွား ပြပွဲဖွင့်ပွဲ အခမ်း အနားလည်း မြန်မာနိုင်ငံ ကိုယ်စားပြု သွားရောက် ဖျော်ဖြေခဲ့ရ ပါသေးတယ်။ ကြိုတင် ပြင်ဆင်ဖို့ အချိန်တော့ အရမ်းနည်း ပါတယ်။ ဒါပေမဲ့ ကျွန်မက ဂျာမန်နဲ့ အင်္ဂလိပ် ဧည့်လမ်းညွှန် လုပ်တော့ ကိုယ့်မြန်မာ နိုင်ငံ သမိုင်းကြောင်း၊ မြန်မာ့ ယဉ်ကျေးမှု၊ အနုပညာ၊ ဘာသာရေးက အစ နိုင်ငံခြားသား တွေကို ရှင်းပြရတဲ့ အလုပ် လုပ်တာ လေးနှစ်ကျော် ငါးနှစ် ရှိခဲ့လို့ သိပ်တော့ မစိမ်းပါဘူး။ ဘဝ ရပ်တည်ရေး အတွက် ပညာရပ်တွေ လေ့လာ ဆည်းပူးတာတော့ အဆက်မပြတ် လုပ်ခဲ့ပါတယ်။ပြိုင်ပွဲဝင်မည့်ပုံစံ
ပြိုင်ပွဲမှာ မြန်မာ့ ယဉ်ကျေးမှု ဝတ်စုံန့ဲ ဆွမ်းတော်အုပ် ပိုက်ပြီးပြိုင်မယ်။ ပြီးတော့ ရှမ်းသီချင်းနဲ့ ဖျော်ဖြေမယ်။ ညနေခင်း ဝတ်စုံကိုတော့ ကချင်ရိုးရာ ဝတ်စုံ ဝတ်ပြိုင်မယ်။ ပြိုင်ပွဲဝင် ဝတ်စုံတွေ ကိုတော့ ပြည်စိုးအောင်၊ မမမဉ္ဇူ (Zu Zu Collection) နဲ့ မသွင်စုထွေး တို့က ပံ့ပိုးပေးထား ပါတယ်။ဆုရနိုင်ခြေအပေါ် သူ့ရဲ့ ထင်မြင်ချက်
ဆုရတာ မရတာ ကတော့ ကံတရားပေါ့။ ကျွန်မကတော့ အစွမ်းကုန် ကြိုးစားမှာပါ။ ကိုယ့်ကြောင့် ကိုယ့်နိုင်ငံ သိက္ခာ မကျစေရ ပါဘူးလို့ အာမခံရဲ ပါတယ်။ ကိုယ့်နိုင်ငံ Image တက်အောင် အတတ်နိုင်ဆုံး ကြိုးစားမှာပါ။ ပြိုင်ပွဲက ရုပ်ရည် လှပရုံသာ မက ဗဟုသုတ အရည် အချင်းပါ ပြည့်ဝရမယ့် အပြင် ပရိသတ် တွေရဲ့ မဲပေး ရွေးချယ်မှု ကလည်း အရေး ပါတာမို့ ပြိုင်ပွဲနဲ့ ပတ်သက်တဲ့ အချက်တွေကို www. miss International.org မှာ ဝင်ရောက် လေ့လာပြီး ကျွန်မကို မြန်မာပြည် ကနေ မဲပေး ကြပါလို့ မေတ္တာရပ်ခံ ပါရစေရှင့်။ကဲ ..... ကမ္ဘာမှာ မြန်မာ ဟေ့ လို့ ၀င့်ကြွားနိုင်ဖို့ ကျွန်တော်တို့တွေရဲ့ အားပေးမှုတွေ အများကြီး လိုအပ်ပါ တယ် .....။ မပင်ပမ်းပါဘူး ..... ကွန်ပျူတာမှာ Mouse နဲ့ Click လေးတစ်ချက်နှိပ်လိုက်ရုံပါ ....။
ဘယ်လိုနှိပ်ရမလဲ ...
ပထမဆုံး Gmail (သို့မဟုတ်) Yahoo (သို့မဟုတ်) Facebook အကောင့်တစ်ခုခုနဲ့ Login ၀င်ထားလိုက်ပါ။ပြီးရင် အောက်က Link လေးကို နှိပ်လိုက်ပါ။
No comments :
Post a Comment
ေ၀ဖန္အၾကံေပးျခင္း၊ အားေပးျခင္း မ်ားအား ေစာင့္ေမွ်ာ္လွ်က္....
Free Idea